فيه واحد عصبي وفاتح له منتدى واخليكم مع الشروط...

الســـلام عليـــكم


مســـاكم الله بالخير والسررور..

الله يسلمكم هذا واحد عصبي وفاتح له منتدى ومسوي شوروط للمنتدى..

تعالو خنشوف هالشروط يمكن نتشجع ونسجل فيه..


اخليكم مع الشروط...




لقد تغيرت شروط التسجيل في المنتدى ....وتم تغيير مسمى المنتدى لتواكب مرحلة ما بعد الحرب الباردة..

اعرفوا الشروط زين....وافهموها....

واللي ما يبي هالشروط جعل اصابعه اللي طقت على الكيبورد الكسر...

ولو ما عليه كلافه يطق راسه باقرب جدار....حنا ما نلعب...واللي يبينا حياه الله بيننا....فهمتوا.


بما ان هذا الموقع موقعي بروحي لابارك الله فيكم وفي الساعة اللي فتحت لكم هالموقع....

فاللي يبي يسجل معنا يوافق على الشروط من فوق خشمه ....والشروط هي...



1- اللي يسب اي واحد من الاعضاء بنجيه وبنربط حواجبه في صدامات الهايلكوس وبنروح ونطعس فيه باقرب طعس... قايلكم حنا ما نلعب..


2- اللي بيخربط بالدين ولا بالسياسه....هذا عذابه عذاب. بخليه يتخيل انه قرد ولا عمره ذاق موز....
وابحجز له على اقرب رحله على طياره ترش الجراد و ابرميه من على ارتفاع 50000 الف قدم وبرضخ به على خوص
نخله...علشان ما يعود لها. قايلكم حنا ما نلعب..



3- انتم اعضاء لكم تكتبون بس....ولااحد فيكم يسوي لي فيها مراقب مانبي مراقبين.....فهمتوا ولا افهمكم...



4- مسموح الذب...والذب هي كلمه اتيه من الذباب وهي فعل مضارع جمع تكسير مضارع بسيط...فهمتوا...
صح ولا ماهو صح...قولوا صح لابارك الله بالساعه اللي جمعت هالخشش فيها...

واللي بيزعل من الذب بنخربط وجهه ونخليه يطالع في المرايه ويطلع الاخطاء التسعه عشر....ايه تسعطعش...
ساحتنا وحنا حرين فيها..



5- اللي بيسجل باسماء . خرابيط ..ولا مخله بالادب....هذا بنوديه لا اقرب شيخ وبنكويه من جبهته..وبعدين بناخذه
لأقرب قليب ((بئر))...وبنغطسه وبنطلعه...ونغطسه ونطلعه الين مايقول....والله ماعاودهااا... قايلكم ما نلعب...


6- قريتوا الشروط........هاه عجبتكم....فهمتوها...طيب ما عندنا تسجيل هالايام....واللي يبي يسجل معنا يرسل
لي ايميل على التلفون حقي اللي ماني ذاكره لكم...لان الدعوه عناد...واللي براسه حب ما انطحن....تراي ابطحنه
له....واذا فيه خير يقابلني وين ما يبي....


ملاحظه......

اللي بنكتشف انه رجال مشورب ويكتب باسماء بنات...ولا بنات تكتب باسماء رجاليه..
هذولي بنخلي خششهم كلمات متقاطعه يصعب حلها.....وبنمردغ خششهم بالتراب لين مايقولون توبه نعودها..


موافق .................

غير موافق ...............

واللي موافق يكتب انا موافق

واللي مو موافق يكتب مو موافق

موافقين يلا نشوف مين موافق..


تحياتي ....



هاااه تسجلووون..


.

ايه هين ان سجلت فيه
ناااااااااااااااااااااااااااااااااااااااااااااااااااااااااايس